Toyota Relax er þjónustutengd ábyrgð. Toyota á Íslandi ehf. býður eigendum bíla frá Toyota & Lexus upp á þann kost að framlengja ábyrgðina á viðkomandi bíl um 12 mánuði í senn eða 15 þúsund kílómetra (20 þúsund í tilviki Proace) - hvort sem fyrr kemur - eftir að hefðbundinni verksmiðju + viðbótarábyrgð sem í gildi er frá innflutningsaðilanum er í þann mund að ljúka. Toyota Relax gildir um bíla sem eru yngri en 10 ára gamlir og eknir minna en 200 þúsund km, með þeim takmörkunum sem fram koma í eftirfarandi ábyrgðarskilmálum. Til að virkja ábyrgðina þarf að koma með viðkomandi bíl í þjónustuskoðun hjá viðurkenndum þjónustuaðila Toyota á Íslandi. Einungis bílar sem fluttir eru inn af Toyota á Íslandi geta fengið Toyota Relax. Allar frekari upplýsingar er að finna á www.toyota.is. Ábyrgðarskilmálar Toyota Relax eru eftirfarandi: 1. Eigandi Toyota/Lexus ökutækisins sem flutt er inn af Toyota á Íslandi og uppfyllir forsendur Toyota Relax á, þar sem því verður við komið, rétt á viðgerðum án endurgjalds á vélrænum, rafrænum og rafeindatengdum göllum sem rekja má til framleiðslu eða samsetningar, að uppfylltum þeim skilyrðum sem lýst er í þessu skjali. 2. Hnökralausa virkni sem vænta má af tækninni í bifreiðinni sem Toyota á Íslandi flutti inn og seld var af viðurkenndum söluaðila fyrirtækisins - þ.m.t. varahlutir og vinna á 6. til og með 10. ári ábyrgðartímans eða allt að 200.000 km akstri, hvort sem kemur á undan. Toyota Relax ábyrgð tekur að jafnaði gildi á þeim degi sem 5 eða 7 ára ábyrgð bifreiðar fellur úr gildi - að undangenginni þjónustuskoðun sem framkvæmd er af viðurkenndum þjónustuaðila Toyota á Íslandi. Þess ber að geta að bíll getur fengið Toyota Relax ábyrgð strax eftir 4. árið af 5 ára ábyrgð og eftir 6. árið af 7 ára ábyrgð bílsins og gildir hún þá samhliða verksmiðju + viðbótarábyrgð innflytjandans út viðkomandi tímabil, að loknu hverju Toyota Relax tekur yfir (eftir 5. og 7. ár). Þessi háttur er hafður á til að tryggja samfellda ábyrgð á viðkomandi bifreið til a.m.k. 10 ára aldurs. Allar athugasemdir sem gerðar eru í þjónustuskoðun á ábyrgðartengdum hlutum Toyota Relax og sem ekki eru lagfærðar falla utan Toyota Relax ábyrgðar. Ef um er að ræða bíla þar sem talsverður tími er liðinn síðan 5 ára, 7 ára eða RELAX ábyrgð rann sitt skeið og þjónustu hefur ekki verið sinnt samkvæmt leiðbeiningum framleiðanda geta komið upp tilvik þar sem ábyrgðarviðgerðir á fyrstu 30 dögum frá virkjun RELAX eru ekki samþykktar. 3. Að öllum viðeigandi skilyrðum uppfylltum nær ábyrgðin yfir viðgerðir á eftirfarandi hlutum: • Vél : vélarblokk; jafnvægisstöng; knastás; undirlyfta, undirlyftutappi, undirlyftuarmur; rokkerarmar (vippuarmar); ventlar og ventlastýringar; sveifarás og sveifaráslegur; sveifarástrissa; strokklok; strokkloksþétti; stimpilstangir; öxultengi; tengiplata/drifplata; kasthjól; startkrans; leiðihjól; olíupanna; olíuþrýstirofi; smurolíudæla; stimplar og stimpilhringir; stimpillegur og stimpilfóðringar;
Halið niður PDF-skjali